News

Mizo Zirlai Pawl (MZP) chuan Mualṭhuam ‘N’ a an zirlaipui H. Ramdinpuii (15) d/o H Lalawmpuia, class X zirlai chu, vawiin (August 5, 2026) chawhma dar 10:00 khan Mualṭhuam ‘N’ Middle School hnungah thi a hmuh a nih thu tarlangin, “Pawi kan tiin, hriatthiam har kan ti hle a ni,” an ti.

Hetianga zirlai duhawm leh midang pawi sawi lo, hma hun eng tak nei, mi kut tuar ngei nia hriat, a tualthi pawi an tih thu tarlangin MZP chuan, “A lungchhiatthlak hle a ni. Kan zirlaipui laka hetiang thil thleng hi kan en liam mai mai dawn lo. Dan leh thupek kengkhawhtute’n uluk taka chhui zui a, pawi khawihtu hi zawng chhuak ngei tur leh a nà thei ang bera hremna pe ngei turin kan phût tlat a ni,” tiin a kalsan tak a chhungkhat lainate an tawrhpui takzet tih an tarlang.