MZP executive an thukhawm

Mizo Zirlai Pawl (MZP) executive chu vawiin (14.8.2026) hian an thukhawm a, India ram chhunga zirna in zawng zawnga sak chhuah ngei tur thupek a chhuah chungchangah an dinna ngaiah an la ding tih tarlan a ni.

MZP chuan, “Ministry of Home Affairs in a India National Song – ‘Vande Mataram’ India ram chhunga zirna in zawng zawnga sak chhuah ngei tur thupek a chhuah chungchangah March 9, 2026 khan press conference neiin, zirna in zawng zawnga Vande Mataram sak chhuah emaw, ngaihthlak chhuah emaw ngei ngei tura tih chu a duh loh thu kan lo sawi tawh,” an ti.

MZP meeting-ah hian an dinna ngaiah an la din reng thu tarlan niin, Mizoram chhunga zirna in hrang hrangah tih luihna hmanga sak tir kan nih loh nan hmalak nise, an ti. Zirna in chu thiam zirna tur a nih angin politica thila hman MZP chuan a phal ngai dawn loh thu an tarlang.

Hetihlai hian, Mizoram Hnam Hla (Official State Song) atan – ‘Ro Min Rel Sak Ang Che’ tih hla Pu Rokunga phuah, Council of Minister thukhawmin an pawm MZP chuan lawmawm an ti.