News

MZP chuan thuchhuah siamin, “Tun hnaia Mizoram Public Service Commission (MPSC) hnuaia exam hrang hrangah zirlaite leh Mizo thalai hna zawng mekten, harsatna an tawh thin chungchangte chu ngun thluk taka MZP General Headquarters, Aizawl Emergency Executive Committee leh aspirant hrang hrangte nena sawiho a nih hnuah MZP chuan August 6-7, 2026 hian MPSC siamthat hnatlang a ko a, Mizo thalai hnazawng mek te, MPSC a harsatna tawk mekte leh MPSC siam that duhtute zawng zawng tel turin kan sawm a ni,” an ti.

MZP chuan an hmalakna hian awmzia a nei lo a nih chuan zirlai hna zawng mekten an dikna chanvo an hmuh theihna tur leh MPSC zahawmna humhim a nih theihna turin a tawp thlengin ke pen zel an tum tih leh an thil phut hrang hrang chi li an tarlang tel.

MZP thil phutte :

1.One Time Registration (OTR) hi tihtawp ni rawh se, need based-in specific application form siam ni rawh se.

2.OTR-a document upload kim loh avanga reject zawng zawngte offline-a document thehluhna hun siam sak ni rawh se.

3.Written exam-a tling tawh, OTR-a document upload kim loh avanga reject tawhte tan offline-a document submite na hun siam sak ni rawh se.

4.MPSC kalphung siamthat ni rawh se, sorkarin reform committee/committee din rawh se.