Feb 16, 2026
Monday
Mizoram Public Service Commission (MPSC) chuan vawiin (16.2.2026) hian press note ti chhuakin ni 9.2.2026-a Mizoram Civil Services (Combined Competitive) Examinations – 2025 Final Result a tih chhuah chu ennawn a nih dawn tih an tarlang.
MCS (Combined Competitive) Examinations – 2025 result an tih chhuah tawhah Mizoram Sawrkarah recommendation thehluh tum a nih lai mekin, hemi kaihhnawihah hian thil thleng thar (development thar) a awm avangin vawiin thlengin recommendation an thehlut tak rih loh thu tarlangin, “A tira hriat tel loh information thar a awm avangin candidate zinga pakhat chu technical ground-in a tling lo tih hmuh chhuah a ni,” an ti.
MPSC tarlan danin MCS (Combined Competitive) Examinations 2025 Final Result, tihchhuah tawh chu ennawn a, siamthat (recast) a lo tul ta a ni. Result hi ennawn a, siam thatna tihchhuah a nih veleh ni 9.2.2026-a final result tarchhuah tawh chu a thiat/sut nghal dawn a ni.
