Aug 25, 2026
Tuesday
Vawiin (25.8.2026) Assembly Session-ah MNF Member K Laldawngliana’n FCRA Bill, 2026 chungchanga Mizoram Sorkar ngaihdan a zawhna chhangin Chief Minister Lalduhoma chuan, FCRA Bill, 2026 chungchanga Mizoram Sorkar ngaihdan House a hrilh.
Chief Minister chuan, “FCRA Bill 2026 hi Mizoram Sorkar leh Mizoram Kohhran Hruaitu Committee (MKHC) leh Council of Churches in Mizoram (CCM) aiawhin ni 6.8.2026) khan Union Home Minister hnenah joint merorandum thehluh a ni. He memorandum-ah hian bill hi withdraw leh tur te, withdraw a rem lo a nih pawhin siamtha leh turtein point hrang hrang thehluh a ni,” a ti.
Lalduhoma tarlan danin, memorandum thehluh hnu ni 9.8.2026 ah Union Home Minister hnenah he bill hi pass loa Joint Parliamentary Committee a refer mai turin Chief Minister leh MKHC leh CCM hming hian ngenna thlen leh a ni. He ngenna ang hian ni 12.8.2026 ah he bill hi JPC ah refer a ni ta a ni.
