Mizoram Police-in Bank of Baroda leh Canara Bank MoU an ziahpui

Mizoram Police chuan vawiin (11.6.2026) hian Bank of Baroda leh Canara Bank nen Police Headquarters, Aizawlah Memorandum of Understanding
(MoU) an ziak. He MoU thar hi heng bank pahnihte nena January, 2023-a
kum thum daih inremna an lo ziah tawh chhunzawmna tura ruahman a ni.

He thawhhona thuthlungah hian Mizoram Police aiawhin
H.Ramthlengliana, IGP (Hqrs.) chuan hming a ziak a, Bank of Baroda
aiawhin Diwakar Jha, Deputy Manager & Regional Head, Guwahati
Region leh Canara Bank aiawhin Pu Santanu Khandu, Regional Head,
Silchar Region ten hming an ziak a ni.
MoU thar hian Mizoram Police mi leh sa Bank of Baroda leh Canara Bank a hlawh late tan hamthatna tam tak a keng a ni. Mizoram Police mi accident a thite chuan Rs. 1,00,00,000/- (cheng nuai za) thleng an dawng thei dawn a, eng vang pawha ramtuileiloa awmte chuan Rs. 50,00,000/- (cheng nuai sawmnga) thleng an dawng thei dawn a ni.

Heng bakah hian MoU thar hian hamthatna tam tak, insurance leh
banking service kaihhnawih thil hrang hrangah a keng bawk a, Mizoram Police mi leh sa leh chhungkuate tan sum kaihhnawih kawng hrang hrangah
ngelnghehna leh hmasawnna a thlen ngei beisei a ni.