News

Chhunthangvunga (87), Thingdawl chu ni 17.10.2025 khan Salem Veng, Kolasibah misual tu tih hriat lohten thil a zawrh kualnaah an rawk.

Kolasib atanga Bengvarna thudawn danin, Chhunthangvunga hi step-ah a kal laiin mi pahnihin an be ding a, a thil zawrh a hralhna a kawr iptea an dah chu pakhat zawkin a chhiar sak a ni. A pelet dawn emaw a tih laiin a tlan thut a, pakhat zawk hian ka zuk um ang ti mah se, a tlanbo ve nghal.

He thuziahlai thleng hian misual pahnih hi tunge an nih hriat a la ni lo.

MUP, Kolasib Chhim Area chuan thuchhuah siamin, an adviser Chhunthangvunga misualin an rawk chu an dem takzet thu leh tun hnuah thleng tawh lose an duh tih tarlangin, ‘Police-in heng misualte hi chhui chhuak thuai se, a phu tawk hremna pe ngei rawh se,’ an ti.