News

ZONET TV Pvt Ltd-in Mizoram Journalists’ Association (MJA) thawhpuia Miss Mizoram 2026 a thlan turah hian Aizawl khawpui chhunga college hrang hrang atanga college miss, mi pariatte chu photo session neihpui an nih hnuah zanin (23.2.2026) dar 6 khan Miss Mizoram Official Instagram-ah pho chhuah an ni ta e.

Miss Mizoram 2026 thlan turah hian college pariatin college miss an theh chhuak dawn. Chungte chu — Saitluangpuii Sailo (Pachhunga University College), Rengpuii Sailo (Govt. Hrangbana College), Lallawmawmi (Govt. T. Romana College), Lalrinfeli (Govt. Aizawl West college), Lalrinhlui (Govt. Zirtiri Residential Science College), Lalthanzuali (Govt. Johnson College), Vanlalremruatpuii (Govt. Aizawl North College) leh Baby Remruatsangi (Govt. Aizawl College) te an ni.

Heng college miss pho chhuah takte hi, tun tum Miss Mizoram thlan turah hian direct entry pek an ni a, tehfung hrang hrang an paltlang hnuah audition-ah inlan a ngai dawn lo a ni. Audition paltlangte an inel chho ang.

Miss Mizoram 2025 thlanna hi March 4, 2026 atangin neih tan tak tak a ni tawh dawn Ruahman lawk dan chuan, Miss Mizoram 2026 Grand Finale hi April 24, 2026 khian R Dengthuama Hall-ah neih tur a ni.