News

Nimin (August 20, 2026) sumdawng intelkhawm Mizoram Merchant Association(MIMA), General Headquarters Executive Meeting chuan a hnuaia tarlan resolution palite hi an pass.

MIMA resolution :

1.Mizo mipuite thenkhatteah Income Tax Department chuan lehkha min pein, kum rei tak tak kal tawha mi kan bank account zawh fiahna an rawn thawn thin. North East Region-a Income Tax hotu ber Principal Chief Commissioner, Guwahati bakah an hotu liante nen MIMA hruaitute leh NGO thenkhat te nen vawi 3 lai meeting nei tawhin sawiho a, kan harsatnate thlen thin a ni tawh chung a, vawiin ni thlengin mi tam takin lehkha an la hmu. Mi thenkhatte phei chu an account freeze hialte pawh an awm niawm a ni. Chuvangin Income Tax Department atanga lehkha hmute leh a duh apiang tan ni September 11, 2026 dar 1:00pm-ah MIMA Office, New Market, Aizawlah kan lehkha hmuhte kenga kal khawma sawiho tur MIMA chuan a sawm a ni.

2.AMC Licensing Regulations chhuahtirh atanga vawiin ni thlengin, ‘Mizo hnam himna a awm lo’ tiin MIMA chuan AMC-a in register loh nise a tih chu a dinna ngaih ala ding reng. A lo tih tawh thin angin, AMC Mayor thar sawipuia, hnam himna tura AMC Licensing Regulations hi siam tha tura ngen leh nise a ti. An thu a zira kal zel dan tur ngaihtuah leh tur a ni ang.

3.Mizoram sumdawngte tana dan draft, Draft Mizoram Trade and Enterprise Acts, 2025 chu MIMA chuan zir chiangin Mizo hnam himna a awm lo tiin, a pawm theih loh thu department hotute hnenah a lo thlen tawha, hei hi a theih anga bawhzui nise.

4.Mizoram State Taxation Department-in, kum 2017 GST hman dawna, GST Registration diltute hnena ILP phut tura a lo tih tawh chu, Central GST Commissionate, Aizawl chuan ILP tel loa GST Registration a lo ti thin chu, ILP phut ve ngei tura ngen nise.