News

Saitual Police-te chuan nizan (8.9.2026) dar 6:35 khan Kualmawi, Keifang a vehicle checking a an neih laiin Aprilia Scooter (Matte Black) MZ/01 P – 4501 chuangte hnen atangin methamphetamine nia hriat thahnem tak an chuang.

Police tarlan danin, scooter hi Chinzalian (26) s/o Myinthan of Rangoon, Myanmar, tuna Champhai Dinthar a cheng mek khalh a ni a, Thiankhatmuanga (27) s/o Zaambawk of Rangoon, Myanmar, tuna Champhai Bethel a cheng mek a phur a ni. An hnen atangin methamphetamine ni ngeia hriat mum 1,01,000 (kgs. 12.746), Rs. 10,19,68,000 hu an man.

He scooter hi Champhai Zote atanga Aizawl lam pan a ni. Scooter khalhtu Chinzalian leh a mi phurh Thiankhatmuangate hi ND & PS hnuai ah thubuai siamsak niin Scooter Aprilia (Matte black), mobile handset pahnih (Techno & Oppo) pawh man tel nghal a ni.