Feb 10, 2026
Tuesday
MPSC chuan nizan (9.2.2026) a MCS (Combined Competitive) Main Examination result a tih chhuak taka pakhatna Lalremsiama Darchhun (24) s/o Vanlalpeka, Tanhril hi HSLC leh HSSLC-ah pawh pakhatna a ni.
Bengvarna zawhna chhangin Lalremsiama Darchhun chuan St. Pauls HSS atangin HSLC leh HSSLC-ah topper a nih thu sawiin, “St. Stephen’s College, Delhi atangin BSc ka zo. Master chu ka kal chhunzawm lo,” a ti. HSLC 2018 leh HSSLC 2020 khan a pass.
MCS (Combined Competitive Exam) tum hnih a hmachhawnna a nih thu sawiin Lalremsiama Darchhun chuan, “A tum khatnaah prelims paltlangin mains ka paltlang zo lo,” a ti. Beidawng loa inbuatsaih chhunzawmin a tum hnihnaah pakhatna a ni ta a ni.
