News

Kawrthah Forest Division hnuaia thawktute chuan February 8 2026 zan leh February 9, 2026 zan khan, dan loa mau tawlh ruk leh dan loa teak thing kihte an man.

Pathianni zan khan Luimawi atanga Assam lam pana dan loa mau phurh a awm tih hriat a ni a, bawhzui nghal niin, Medili bulah man an ni. Lirthei leh mau phurhte hi dan anga hmalak a nih theih nan department venhimna hnuaiah dah an ni.

Thawhtan zan khan Luimawia Teak Plantation-a dan loa thing kih chungchangah thu dawn bawhzuinaah dan loa thing kih rukte hi man nghal a ni. Thingkit rutute hi an tlanchhe hman a, anmahni hriat chhuah leh man tuma hma lak mek a ni.

Kawrthah Forest Division chuan ramngaw tichereu zawnga dan loa chetna khauh taka dan kenkawh zel an tum a, hemi kawngah hian khaw tin mipuite thawhpuina an ngen nghal.