Sep 12, 2026
Saturday
Lianthuama (60), Thingdawl Hmar Veng chu nizan (11.9.2026) khan lengkirah a tlahlum nia hriat a ni.
Thudawn danin, Lianthuama hi a makpa nen Thingdawl khaw chhung bul luiah chakai meichher chhit turin an kal a, lui an thlen hnuah an kal hrang a ni. Innghahna hmun tura an sawiah a let ve mai tak loh avangin a makpa hian inah a haw san a, a hawve tak loh avangin zing dar 6 ah zawng turin a chhuak leh a ni.
Midangte inpun belh zelin an zawng a, lengkir mawng bul hnaiah thiin hmuh a ni. Lengkir atanga a tla ni ngeia rin niin, lengkir mawng tuia a tlak hnuah thi nghal loin, a ruang an hmuhna a sir kamah vak pheiin, a hliam tuar loin a thi niin an ring.
Dar 1 velah a ruang hi khaw lam panpui a ni a, kawng mumal loh vang leh a chhoh vangin tlai dar 4 velah kawngpui thlenpui theih chauh a ni.
