Aug 31, 2026
Monday
Hlimen Local Council & All NGO’s chuan thuchhuah siamin, Lalsavunga Park enkawl a nih dan chungchangah sorkara an thil phûtte a hlawhtlin tak loh avangin,an lo rel tawhin angin, September 1, 2026 (Thawhlehni) atang hian Lalsavunga Park hi tlawh theih loin an dang dawn tih mipuite an inhriattir.
Lalsavunga Park enkawl dan chungchanga an lungawi lohna hi August 11, 2026 khan press release an lo tichhuak tawh tih tarlangin Hlimen Local Council & All NGO’s chuan, “Kha kan thuchhuah ang khan naktuk thawhlehni atang hian Lalsavunga Park hi tiamchin awm loin kan dang dawn a ni,” an ti.
Hlimen Local Council & All NGO’s chuan Lalsavunga Park enkawltu (contractor) hi a contract cancel ngei ni rawh se tih hi khawtlang hruaitute leh mipuite duhdan a la ni reng a tih tarlangin, khawtlang mipuite leh park tlawh tumtute hriatthiamna an dil.
