Kum 60 tlin lawm dawn

Mizoram independence puan kum 60 (Diamond Jubilee) tlin lawmna tura organising committee chu vawiin (12.2.2026) hian an chairman Dr R Lalthangliana (MLA), MNF sr. vice president hoin an thukhawm.

Committee ruahmanna angin Diamond Jubilee hi a ni tak Pathianni a nih avangin a March 2, 2026 khian Vanapa Hall-ah ropui taka hman tum a ni. Vanapa Hall bakah hian MNF sub-headquarters, district headquarters, block leh unit hrang hrangahte a remchan dan anga hman turin ruahmanna an siam.

He hun lawmna tura sub committee peng hrang hrang pasarih dinte hnen atangin meeting-ah report ngaihthlak a ni. Mizoram Independence puan kum 60 tlin hi March 2 ah lawm tanin, March 2, 2027 ah a kharna hun hman turin an ruahman.

Meeting kaihruaitu Dr. R. Lalthangliana chuan, “Zalenna famkim Mizoten kan neihna tura hnam pasalthaten sulhnu min hnutchhiah hi kan kalsan a thiang lo a, bul lo tan a nih tawh angin thangtharten a mei mitloh nan kan chhawm nun zel a tul takzet a ni. Diamond Jubilee lawm thei a Mizote Pathianin hun tha min la pe zel hi kan chakna tizualtu atan hman zel nise, a duhawm takzet a ni,” a ti.