Kohhran ram chhuhsak tumah puh

MNF Treasurer Lalruatkima chuan ZPM Sorkar chu kohhran ram chhuhsak talh tumah puhin, Assam Rifles chhuahsan hnu enkawl dan tur reltu Advisory Committee-ah an telzui loh chhan a sawifiah.

MNF chuan vawiin (10.11.2025) chhun khan an office-ah chhung inkhawm hmangin thusawitu MNF Treasurer chuan, “Kan Chief Minister-in ‘MLA 27 mipuiin min thlang a, rorel pui kan ngai lo’ tia ni 22.9. 2025-a a sawi hnuah khan AR luah ram chhuahsan hnu enkawl dan reltu Advisory Committee ah hian tel zui remchang tawh loah kan ngai. Pathian ram din tuma insawi chunga kohhran ram chhuhsak talh tumtute hian he committee hminga rulkua zen an tumna kal mek hi MNF chuan kan hmuhhmaih lo a ni,” a ti.

Lalruatkima chuan kohhran rilru tina zawnga ke pen MNF chuan a tih ngai loh thu sawiin, ‘FCAA an adopt avangin ZPM Sawrkar chu CYMA tan yellow card pek a ngai ta hial mai te hi a lungchhiatthlak a, rintlak loh sawrkar an nihzia a ti lang chiang hle,’ tiin kut hnathawktute sawhthing man cheng vaibelchhe tam tak bo mek chhuichhuak tur pawhin MNF chuan theihtawp a chhuah zel dawn thu a sawi.