Kawngpui dan tihtawp chhan sawifiah

Kolasib District Vehicles Owners & Drivers Joint Action Committee (JAC) hruaitute chuan vawiin (24.10.2025) chhun khan an office-ah press conference neiin, kawng dan an tihtawp chhan an sawifiah. Silchar Truck Drivers’ Association hruaitute’n an tawimawh.

JAC hruaitute chuan police-in an hruaitu an man khawm hnua kawngpui dan an titawp chhan chu, an titawp lo a nih chuan an hruaitu an mante chubail theih loh thubuai chi hnih siam sak an tum vang a nih thu sawiin, ‘Kan hruaitu hmakhua thlir chungin kawng dan kan ti tawp,’ an ti.

Kawngpui an dan chhan chu kawng chhiat lutuk avanga lirthei hmanga eizawngtuten an tawrhna a nasat vang a nih thu sawiin JAC hruaitute chuan, ‘Tuna hma kan lakna hi an tawpna tur a ni lo,’ tiin an bultanna chauh a nih thu an sawi.

MTA hruaitute chuan, November thla atangin kawng siam tan tur angin contractor-ten meeting hnuhnung berah an sawi angin an hnathawh an enzui zel dawn tih sawiin, ‘Kan beisei anga an thawk lo a nih chuan na zawkin hma kan la leh lo ang tih an sawi theih loh,’ an ti.