Oct 16, 2025
Thursday
Mamit All NGO leh Commercial Vehicle Association, Mamit tangkawp chuan vawiin (16.10.2025) atangin ruahmanna an lo siam lawk tawk angin kawng chhiat vangin kawng an dang tan.
Nizam khan Mamit DC K Laltlawmlova kaihhruaina hnuaiah Mamit All NGO leh Commercial Vehicle Association hruaitute hi PWD E-in-C H Zoramliana chuan kawmin, an hmalak tum dan leh an hmachhawpte a sawifiah a, ‘Naktuk atangin ngawrh zawkin kawng siam hna thawh a ni ang,’ tiin kawng dang lo turin an ngen.
PWD E-in-C nen an inkawm zawh hian Mamit All NGO leh Commercial Vehicle Association hruaitute chu an thukhawm leh a, kawng dan turin thutlukna an siam ta a ni.
Tarlan tawh angin, Mamit All NGO leh Commercial Vehicle Association-te hian Mamit to Aizawl, Mamit to Bairabi leh Mamit to Zawlnuamte hi tiam chin awm loin, eng lirthei mah kal tlang theih loh tura dan chah an rel a ni.
