Oct 17, 2025
Friday
All NGO, Mamit leh Commercial Vehicles Owners Association, Mamit chuan an district chhung inkalpawhna chhe lutuk avanga nimin (16. 10.2025) zing dar 7 atanga zero point-a kawng an dan chu an la chhunzawm zel.
Nimin tlai khan Mamit DC K Laltlawmlova chuan kawng danna hmun hi tlawhin, sorkar hmalakanate a sawifiah a, kawng dan titawp turin a ngen a ni. DC ngenna hi an ngaihtuah hnuah NGO leh lirthei neitute chuan kawng dan chhunzawm turin thutlukna an siam a, tlaivarin duty an in dah.
Vawiin hian NGO leh lirthei neitute chuan kawng siam mek an tlawh dawn a, sorkar hmalakna an enfiah ang. Chumi hnuah an kal zel dan tur rel an tum.
Hetihlai hian nimin atang khan ngawrh zawkin kawng siam hna hi an thawk nia thudawn a ni. Kawng dan vang hian lirthei eng emaw zat an tangkhanh nia hriat a ni.
