Kawng dan tum kaltlangpui dawn

Kolasib District Vehicles Owners & Drivers Joint Action Committee (JAC) naktuk (23.10.2025) zing dar 7 atanga kawng chhia avanga kawng dan an tum chu an kaltlangpui dawn.

JAC hruaitute hnen atanga Bengvarna thudawn danin, sorkar official leh midang atanga an thil tum thulh tura ngenna an dawn vangin, tawlh leh rih deuha, kawng siama hmalakna awm ngaihchan leh an rilruk hman a ni. Mah se, meeting an neih laiin sorkar lam thuchhuak an hria a, vau an ni chu an member-ten ngaithiam loin an lo rel tawh anga kaltlangpui an tum.

An sawi danin, sorkar theihtawp chhuahin an thlawp ve thin a, state pawn atanga tanker rawn luh loh an tum pawhin, harsatna mipuiin kan tawh dawn vangin rawn tlan turin an lo ngen thin tawh zawk a ni. Chutiang a nih laia sorkarin in vau zawnga thil a ti chu an ngaithiam lo.

Kawng hi hmun thum – Rengtekawn, Kawnpui leh Lungdaiah an dang dawn.

Hetihlai hian sorkar chuan kawng dan avanga mipuiin harsatna an tawh lohna atan theihtawp chhuah a tum a, police lam pawh inrin tir an nia thudawn a ni.

Sorkar thu kimchang deuh zawk chu kan page Bengvarna ah post a ni tawh.