News

Mizo Cultural Organisation (MCO) chuan thuchuah siamin, November 7, 2025 a hmun pakhata mi tute emaw programme buatsaiha Mizo hnam lam mawi lo taka entir a nih thu tarlangin, ‘A video-te a lo viral ta vak mai hi kan ngaimawhin kan duh lo hle mai. Mizo hnam lam chi hrang hrang te hi kan hnam rohlu an ni a, chawi nun a tihlar zel kan duh,’ an ti.

MCO chuan a hmasawn zawng ni loa hetianga uchuak taka lantir a lo ni hi a titute an dem hle tih tarlangin, ‘Hetianga Mizo hnam ziarang (culture) ti bawrhbang zawng hian tumah che tawh lo se tih hi kan duh dan a ni a, tuna a titute pawh hian Mizo mipui hnenah thupha chawi ngei se kan ti,’ tiin a video pawh hi tuman thehdarh tawh loh ni se an duhthu an tarlang.

Mizo mipui zawng zawng kan ram leh hnam, kan culture te vawnghim tura hmalatu ni theuh turin MCO chuan an ngen.