Jail tang a tlan chhuak

POCSO leh rukruk thubuai vanga man Emon Malsawmhlua s/o Malsawmdawngsanga, Rulchawm chu nimin (23.8.2026) chawhnu inkhawm laiin District Jail, Aizawl atangin a tlan chhuak.

Prison Department atanga Bengvarna thudawnin, Emon Malsawmhlua hian naupang khuaikhem (POCSO) thubuai leh rukruk thubuai a nei a, rukruk thubuaiah hian thiam loh chantir a ni tawh. POCSO thubuai hi court-a ngaihtuahlai mek a ni.

Nikum lama jail bang chim avanga PWD-in an siamthat mek bula TT Hall atangin a tlanchhuak. Nimin chawhnu inkhawm laia, an zai bengchhen laiin TT Hall chhunga kawngka kalhna chhu chhiain, a bang sakthat mek atangin a tlanchhuak a ni.

Prison Department hi guarding staff (jail warder) an tla bal hle a, an manual-in a sawi angin jail tang 6 hi warder 1 in an veng tur tih a ni.

Amaherawhchu, hei hi kalpui hleitheih a ni lo. Warder pakhatin ward 3/4 te an ven a ngai. Kiltin hi an veng seng lo. District Jail, Aizawlah pawh hian warder an indaih loh em avangin warder 1 in ward 2, kitchen, hall-te an ven a ngai. An ven lohna lam hi jail tangten an hmuh ve reng thin avangin remchang an zawng ve thin a ni.