News

Mizo Zirlai Pawl (MZP) leh Mizoram Merchant Association (MIMA) tangkawp chuan October 10, 2025 (Zirtawpni) khan 1st International Star Expo, Lammual a neih mekah, hnamdang rawn sumdawngte endikin Inner Line Permit (ILP) an check a, ILP neilo leh thi tawh mi 36 man niin, thuneitute kutah an hlan nghal.

An tarlan danin, MZP leh MIMA hruaitute hian, Mizoram chhung ngeiah hnamdangte’n hetiang sumdawnna an rawn kal pui hi tha an ti lo hle a, September 30, 2025 (Thawhlehni) khan joint meeting lo nei tawhin, dan loa hnamdang 1st International Star Expo a rawn sumdawngte dawr lo turin mipuite an lo ngen tawh a ni.

MZP leh MIMA hruaitute chuan, he expo-a hnamdang rawn sumdawng zingah mi 20 chuang mi pakhatin a sponsor thei leh a sponsor tu ZORUN EVENTS neitu Laldingngheti Pautu, Lunglei-in a sponsor-te ngaihtuah zui miah lova sumdawnna a kal pui hi hriatthiam har an tih thu tarlangin MZP leh MIMA chuan, ‘Hetiang thil hi kan ramah a thlen nawn tawh loh na turin a rang lama chhui chiang tur leh hetianga Inner line Regulation dan bawhpelh a mi pakhatin heti zat mai hnamdang a sponsor chungchangah action la ngei turin thuneitute kan phut tlat a ni,’ an ti.