High Court Judge atan pawm

Nimin (18.8.2026) a Supreme Court Collegium thukhawm chuan Gauhati High Court Judge atana Helen Dawngliani rawtna chu a pawmpui.

Collegium hian Gauhati High Court Judge thar atan hian ukil zing atangin Nchumbemo Mozhui chu pawmpuina a pe tel. Tunah hian Helen Dawngliani hi District & Sessions Judge niin, Aizawl District Court-ah a Judge hna hi a thawk mek a ni.

A chanchin tawi:

May 24, 2011 khan Mizoram Judicial Service hna a zawm a, thiamna lamah BA (Hons) LLB a ni. Additional District & Sessions Judge hna hi Aizawl leh Lunglei District Court-ah a lo thawk tawh a, Gauhati High Court-ah Registrar ni tawhin, Secretary to the Government of Mizoram, Law & Judicial Department (April 2021–July 2024) hna a lo chelh tawh.

Tin, Government Advocate-cum-Additional Public Prosecutor hi Gauhati High Court, Aizawl Bench-ah a lo thawk tawh bawk. Mizo zinga hmeichhe High Court Judge kan neih hmasak ber Marli Vankung chu March 3, 2026) thla a retire hnuah Mizo hmeichhia-a pahnihna atan Helen Dawngliani hi High Court Judge kan neih leh ta a ni.

Source :
www.jclalnunsanga.in