Heroin thahnem tak an man

Excise & Narcotics Department leh Central Anti Drugs Squad (CADS) thawkdun chuan heroin thahnem tak an man.

Excise leh CADS thawkdun hian June 2, 2026 (Thawhlehni) chhun dar 12:10 khan Sihphir Neihbawi (Sethup Kawn)-ah heroin grams 971 (Hawng 67) leh he case-a inhnamhnawih nia puh mi pali an man.

An mi mante chu – Daniel Malsawmdawngliana (47), s/o Lalrinawma (L), Zokhawthar, Champhai; Suwar Uddin Laskar (47) s/o Rafizul Ali Laskar,
Rajghat/Bagha, Cachar, Assam; Basir Uddin Laskar (26) s/o Rafizul Ali Laskar, Rajghat/Bagha, Cachar, Assam leh Hifjul Bahar (27) s/o Abu Bakkar, Bhitargool, Karimganj, Assam nia inchhalte an ni.

Anni bakah Heroin phurh kualna atana hman lirthei pahnih – Hyundai Santro Car (MZ 01 D 8202) leh Bolero Car (AS 01 EU 9735) pawh hrensak an ni.

Heroin hi Zokhawthar atanga an lak, Assam-a tihral an tum mek lai a ni.

Heroin vanga mante hi Section 21(c) of The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, Special Court (NDPS Act), Aizawl District, Aizawl-ah hruai nghal an ni. Court-ah thiam loh an chang a nih chuan Kum 10 atanga kum 20 jail tang tur leh pawisa cheng nuai 1 atanga cheng nuai 2 thleng chawi bawk tura hrem theih an ni ang.