May 21, 2026
Thursday
Saitual DEF Special Team chuan tukin (21.5.2026) khan mipa kumtling lo khalh atangin heroin thahnem tak an man.
Saitual DEF Special Team hian zan laiah Keifang khaw pawnah random checking an kalpui laiin bolero var registration number AS11 V – 6022, Manipur atanga Aizawl pana kal chu an hmu a, mmotor hi kumtling lo, kum 15 mi khalh a ni.
Rinhlelhna avangin zing dar 1:30 velah Keifang Kualmawi, Aizawl kawngah motor hi tihdin a ni a, uluk taka check niin, bolero chhung a hnung seat siam danglam bikah thuhruk taka dah sahbawn bawm 210 (zahnih leh sawm)-ah heroin kg 2.493, Rs. 4,98,60,000 man hu vel man chhuah a ni.
Naupang dan lama buaina nei (juvenile in conflict with law) chungah dan anga hma lak a ni a, a nu hnenah mobile phone hmangin hriattirna pawh pek nghal a ni. An motor hmante leh Vivo mobile phone hmante chu an man sak. He case-ah hian midang inhnamhnawih te hriat chhuah a nih theih nan investigation chu kalpui zui zel a ni.
