Excise & Narcotics Dept-ah dil theih

Excise & Narcotics Department chuan hriattirna tichhuakin, Mizoramah The Mizoram Liquor Prohibition Rules, 2025 chu Mizoram gazetted extraordinary–ah ni 6.10.2025 khan tihchhuah a lo nih tak thu tarlangin, “He dan thar hnuaiah hian local fruit beer siam phalna (manufacture) a dil theih. He dan hnuaiah vek hian local fruit beer leh wine sem darhtu nihna (distributor/ stockist) a dil theih,” an ti.

A dil duh chuan, Commissionerate of Excise & Narcotics, Khatla, Aizawl. opposite Aijal Club-ah leh district hrang hranga Excise & Narcotics Office-ahte ngaihven theih a ni, dilna form pawh lei theih a ni. Dilna form man hi Rs. 50/- (cheng sawmnga) a ni e.

Dil duh chuan May 31, 2026 aia tlai lo ah an dilna form te kim taka dahkhat in, document pawimawh nen thehluh theih a ni.

Hun tiam pelh tawh hnu a mi chu pawm a ni tawh dawn lo.

Heng licence hrang hrang atana thlanchhuahte’n fee an pek zat tur leh thil tul dang chu Excise Department website https://excise.mizoram.gov.in ah dah vek a ni.