Excise leh khawtlangin heroin an man

Hnahthial Excise and Narcotics Department leh Khawihri khawtlang hruaitute tangkawp chuan tukin (14.4.2026) dar 5 vel khan Khawhri leh Thingsai inkarah heroin grams 189 an man.

Excise and Narcotics Department hian thu dawn bawhzuiin nizan khan Khawhri VC leh YMA hruaitute nen an duty a, tlaivara an duty hnuah zing dar 5 heroin hi an man a ni. A phurtu leh neitu ni ngeia hriat Laihrethanga (28) s/o Vawmkaithanga, Siahatla pawh man nghalin, a phurhna lirthei, Mahindra Bolero Maxx Pickup, MZ 03/A – 1593 chu man tel a ni. ND&PS Act hnuaiah Case siamsak niin Judicial Magistrate Court hmaa inlan turin chawhnu dar khat vel khan Lunglei lamah thawn nghal a ni.

Laihrethanga statement atanga a lan danin heroin an man sak tak hi Duha, Ralpel, Myanmar a mi ta niin, Hnahthial leh Lunglei lama sem darh tura tih a ni. Tun tuma heroin an man hi tualchhung hralhna rate chuan cheng nuai sarih leh sing hnih (Rs. 7,20,000) man hu vel a chhut a ni.