Dampa West Block campaign kick off

ZPM chuan vawiin (21.10.2025) chhun khan ZPM chuan New West Phailengah Dampa West Block campaign kick off an buatsaih a, Chief Minister Lalduhoma’n a hmanpui.

Chief Minister Mizorama by-election awm tawhah ruling party an chak deuh vek a, ‘Hmun hnihah opposition an chak. Phuldungsei-ah opposition an lo chak tawh a, chu chu boruak dang daih a ni. Serchhip Bialah MLA aţanga min ban avang khan by-election a awm a, he inthlanah hian kan chak. Eng emaw thil danglam bik a thleng a nih loh chuan ruling party chanah dah a ni deuh ţhin. Dampa Bialah pawh hian chutiang chu a kan beisei,’ a ti.

Dampa Bial chu India rama district hnufual leh changkang lo, aspirational district a nih thu sawiin Lalduhoma chuan, ‘Hei hi ZPM chuan chhanchhuah che u kan duh a ni. Kum 38 vel chhung khan Congress leh MNF sawrkarna hnuaiah, ruling bial in lo ni tawh ţhin. Tuna hetiang dinhmuna in awm chhan hi a lo bial tawhtu che u khan mawh an phur kan ti lo thei lo,’ kalphung thar mipui sawrkar thawhpuia, ZPM candidate vote turin Dampa Bial mipui a sawm a ni.

Chief Minister chuan opposition bial an ni chungin Vanlalsailova’n ‘chu chu kan mamawh, chu chu min tihsak ve rawh’ a rawn ti ţhin thu sawiin, ‘Theihtawp a chhuah ţhin a ni. Special Priority Project hnuaia hnate pawh min rawn dil a. Chumi hnuaiah chuan khaw tinin hna in thawk mek a ni. Ka bial aiin in vannei,’ a ti.