News

Mizoram Chemists and Druggists Association (MCDA) chuan vawiin (19.5.2026) hian Aizawl Press Club-ah thuthar thehdarhtute kawmin, damdawi zuarten online pharmacy duh lohna avangin an headquater All India Organisation of Chemists & Druggists bultumna naktuka dawr an khar tur chungchang an sawifiah.

MCDA hruaitute chuan license nei vekin damdawi an zawrh thu sawiin, “Damdawi zuarte hi chi pharmacist-in a thutchilh, pharmacist-in a thutchilh loh a bik takin thingtlang lamah leh mobile license neia phur kualte kan ni. Thuneitu lamin stric deuhin min vil reng a, pharmacist-in a thutchilh lohte chu khar turten an ti. Online-ah chuan license engmah an nei loa, lehkha lem siamte’n online-ah chuan a chah theih. Damdawi dang chah pahin, ruihhlote pawh a chah theih,” a ti.

Damdawi discount pek vak vak te hi ngaihtuah chian a ngaih thu sawiin MCDA hruaitute chuan, “Damdawi man hi central sorkar bituk a ni a, company lamin kan hlep tur awm thlapin a man an bituk thin. Engtin nge discount an pek theih tihte ngaihtuah chian a ngai. Pantop lemte an zuar nasa. Damdawi khaia zuar kualte pawh an awm. Fimkhur a ngai,” a ti a, mipuite chu eng damdawi nge an ei tih ngaihtuah chiang turin a chah.

MCDA hruaitute chuan online hmanga damdawi chah a ni a, a dik loh chuan complaint na tur pawh a awm loh thu sawiin, “Keiniah chuan consumer union leh Food & Drugs Controller lama min complaint chuan pawisate kan chawi thei,” a ti.

Khawvel thang zelah online chu dan theih a nih dawn loh thu sawiin MCDA hruaitute chuan, “Kan duh ber chu online hian dan zawm tur neive si tih a ni. Tunah chuan an tan dan a awm loa, a him lo. Kan duhamna leh hmasialna lam a ni loa, India leh Mizoram mipui tan a ni,” a ti a, mipuite’n damdawi rintlak leh him ei se tih chu an duhdan a nih thu an sawi.