Aug 19, 2026
Wednesday
Nimin (18.8.2026) khan Assam atanga dan lova vawk puitling 45, Aizawla talh tur a phurhte chu Zamuangah man an ni a, African Swine Fever (ASF) an kai tih finfiah an nih avangin kahhlum vek an ni.
Mamit District News FB group-a tarlan a nih danin, heng vawkte hi motor panga hmanga phurh niin, Assam lam atanga lokal an ni. Zawlnuam Vety Check Post helin an kal a, Zamuangah man an nih hnuah Mamit pan pui ani.
Heng vawkte leh a phurhna lirtheite hi man niin , Mamit Bawrhsapin criminal complaint a thehlut. Vety doctor-ten randomin test a nih hnuhah ASF an kai tih hmuh chhuah a ni.
Court order angin kahhlum vek an ni a, Mamit DVO Dr Saipari Sailo kaihruaina hnuaiah nizan khan vawk thlanmual (Mamit kawtchhuah) Mualpui hmunah phum fel an ni.
Heng dan phallova vawk rawn phur lut tute hi Lalnunsanga, Kanhmun; Mechael Santinrai, Kanhmun; Thlamuankima, Kanhmun; Jamesa, Kanhmun leh Lalrindika, Rengdilte an ni.
Thubuai siam sak niin Mamit District Court-ah ni 8.9.2026 inlan leh tur a chhuah an ni.
