News

Power & Electricity Department chuan September 7-10, 2026 chhungin Aizawl khawpui chhunga electric bill leh smart meter chungchanga harsatna neite tan, a bik taka complaint thehluh leh chinfelna runpui an buatsaih dawn.

He hun chhung hian Aizawl khawpui chhunga bill counter zawng zawngah officer leh staff duty tur bik ruat niin complaint booth an thutchilh ang.

Electric bill leh smart meter chungchanga harsatna neiten hmaichhanah complaint thehluh theih a ni ang a, chinfel nghal theihte tihfel nghal turin an buaipui ang.

Hetiang lama harsatna neite chuan mahni bial-a bill counter theuhah harsatna leh complaint an neihte thehluta, he campaign hi chhawr tangkai theuh turin P&E Department chuan an ngenin an hriattir.