News

Vawiin (29.5.2026) tlai khan Chief Minister Lalduhoma chuan a office-ah Joshua Van, UFC Fly Weight Champion lai, Mizoram tlawha lo zin chu thingpui a inpui.

Chief Minister hian Joshua Van hi Mizoram a rawn tlawh avanga lawmthu hrilhin, a hlawhtlinna ropui chuan Mizo thalaite nasa takin a fuih thu a sawi. Mizorama a cham chhunga hun nuam tak hmang turin duhsakna a hlan nghal.

Joshua Van pawhin thu tawi sawiin, “Mizo mipuiten UFC Champion in neiah lo inngai rawh u. Mizoram hi ka ram anga ka ngaih, ka unaute anga ka en in ni,” tiin, hun chep tak kara inhmuhna hun a buatsaihsak avangin Chief Minister hnenah hian lawmthu a sawi a ni.

Chief Minister hi Lalnghinglova Hmar, Sports Minister leh Lt. Col. Clement Lalhmingthanga, MLA ten an tawiawm a ni.