Nov 03, 2025
Monday
Nimin (2.11.2025) khan Chief Minister Lalduhoma chuan Mizoram tlawha rawn zin Guwahati High Court Chief Justice, Justice Ashutosh Kumar chu a thlennaah tlawhin, thingpui a inpui.
Chief Minister hian Mizoram a rawn tlawh avangin Chief Justice hi lawmthu a hrilh a, Mizoram sorkarin judicial infrastructure lama hmasawnna a neihte sawiin, hmachhawp a neihte pawh a thlen nghal.
Lalduhoma chuan Mizoram State Human Right Commission din chungchanga hmalak mek dante leh thil pawimawh dang enge maw zat a sawipui a ni.
Justice Ashutosh Kumar hian Chief Minister chungah lawmthu sawiin, judiciary lama Mizoram Sorkar hmalakna a fak a, a ngaihpawimawh thilte CM hnemah hian a thlen nghal.
CM leh CJ inkawmnaah hian Justice Michael Zothankhuma, Guwahati High Court Judge pawh a tel.
