News

Chief Minister Lalduhoma chuan Assembly Session-a MNF member Robert Romawia Royte in Gangtok-a an zin chungchang a sawi chu vawiin (5.3.2026) hian a sawifiah.

Lalduhoma chuan Gangtok an zin chu kum 20 kal ta, kum 2006 a nih thu sawiin, “PAC chairman ka nihlai a ni a, Pu R Lalzirliana, Pu Lalrinliana Sailo, Pu Thaliana leh Pu D Thangliante kan kal. Kan thlen hun chiah ka hre loa, 1:45 vel niin ka hria,” a ti.

Hlim takin an kal a, hlim takin an haw leh nia sawiin Chief Minister chuan, “Khatiang thil kha thleng se, khatih hunlai khan a ri hluai ngei ang,” tiin kum 20 hnua phuahchawp thila thil tih pawi a tih thu a sawi.

Assembly Speaker Lalbiakzama chuan Robert Romawia pawhin a duh ang ngeiin a thusawi hi House record atanga nawhreh a nih thu a sawi.