Bill pass thar sut turin ngen

MPCC chuan vawiin (2.3.2026) hian MPCC chuan an office-ah chhung inkhawm an hmang a, thusawitu MPCC Secretary Meriam L Hrangchal chuan, “Min sat sawm vek mah ula, Mizo ka ni reng dawn,” a ti.

Meriam L Hrangchal chuan House proceeding-te a enin, lungchhiatthlak a tih thu a sawi a, “Tawngkam mawi tak tak kan hmang a, takna a awm si lo. Mizo inhreritance and property chungchangah hian sawi tur tam tak a awm a ni. Ram hruaitu lu ber tihtur chu a tu leh fate kuahkhawm a ni. Min satsawm vek mah ula Mizo ka ni reng dawn, hmeichhia hian pasal a neihin a pasalte nen thisen inzawmna engmah kan nei lo. Kan fate ah chauh thisen inzawm kan ni,” tiin an pasalte nen an inthen rualin an hran nghal thu a sawi.

Mizo hmeichhia Mizo nia thlamuang taka awm thinte kha rilru na in an awm mek nia sawiin Meriam L Hrangchal chuan, “Heng hmeichhiate hian sorkarah engmah beisei an nei lo, kan ram hmangaihtute an ni a, kan hnam nihna hi tu inlaksak theih nge? Kan CM leh legislators member zahawm tak takte hian hmeichhia ka nihna angin he dan ‘The Mizo Marriage and Inheritance of Property (Amendment) Bill, 2026’ hi ngaihtuah chiang leha, hnukkir vat turin ka ngen a ni,” a ti.