Sep 04, 2026
Friday
Lalmuansanga (23), Tlangnuam Vengthar, Aizawl chu nizan (3.9.2026) khan a unaupa (cousin) chenna in Bangalore-ah thiin hmuh a ni.
Bangalore atanga thudawn danin, Lalmuansanga hi Goa-a hnathawka awm thin a ni a, tunhnai mai khan Bangalore-ah hian a chho a ni. Bangalore-ah hian a cousin a awm a, chu chuan a buaipui ta ber a ni.
A thlenna ina bathroom-a a lut chu a rei tak deuh avangin a kawngkhar hawng luiin an lut a, chhuatah a lo tlu/mu a, damdawi-in panpui nghal a nimah se, an chhan hman lo. Bangalore Mizote chuan tualthihna a nih an ring lem loa, a thih chhan tak erawh hriat a la ni lo.
Lalmuansanga ruang hi investigation tih a ngaih avangin Bangalore Police lamin an la a, vawiin lamah hian postmortem beisei a ni a, police lam hian a ruang hi an postmortem zawha lakchhuah an phal chuan naktukah chuan Mizoram lama thawn theih beisei a ni.
Bangalore Mizo Welfate hruaituten a tir atangin an buaipui a, ruang thawn chhoh thleng hian an buaipui ang.
