News

Aizawl Municipal Corporation (AMC) Executive Council meeting-in an lo rel tawh angin, AMC subject hrang hrangte zirchiang tur study team pakua din a ni a, hma an la chho mek.
Study team hi May 20, 2026 khan din a ni a, thla hnih chhung hun pek an ni.

Team tinah hian executive corporator-te chairman an ni vek a, secretary chu an subject zirchian tura incharge officer (AMC) te an ni. Member-ah corporator zawng zawng leh AMC officer-te sem darh an ni. July 20, 2026 ral hmain report an thehlut ang.

Study team-te hian AMC Executive Council meeting-a pharh tur reports leh rawtna an neihte an thehlut ang. AMC Executive Council meeting-in a pawm hnuah Board of Corporators meeting a pass turin chhawp chhuah leh tur a ni ang. Pass a nih chuan hemi hmang hian hmalak zui a ni dawn.

AMC hotute atanga thudawn danin, study team din a nih avang hian AMC inthlan dawn a, ZPM manifesto-te hlamchhiah a ni dawn chuang lo. Manifesto-te ti hlawhtling tura hmalak chhoh nghal a ni. AMC sorkar chuan manifesto tih hlawhtlin chu a ngaih pawimawh hmasak a ni a, ti hlawhtling ngei turin theihtawp a chhuah zui nghal.

AMC-in mipui tana tha zawk leh awlsam zawka hna a thawh theihna atan leh AMC kalphung tha zawj, mipui tana tangkai zawk leh langtlang zawk a awm theihna atana ruahmanna pakhat a ni. AMC kalphung awm saa a tha laite chu kalpui chhunzawm zel tur a ni a, danglam tawk pawh eng emaw zat a awm ang.