Oct 17, 2025
Friday
Agriculture Minister PC Vanlalruata chuan vawiin (17.10.2025) chhun Guwahati-ah Sairang atanga sawhthing thawnchhuah dan tur North Eastern Frontier Railways General Manager Chetan Kumar Shrivastava a sawipui.
Agriculture Minister nakkuma sawhthing thawn chhuah dan turah rel hman tangkai an duh thu Railways General Manager hi hrilhin, ‘Tun dinhmunah sawhthing lo chu Mizoram atanga thlaithar thawn chhuah tham kan neih lo. Sawhthing hi min ngaih pawimawh sak hle a ngai dawn,’ a ti.
Railways GM chuan Agriculture Minister ngenna hi ngai pawimawhin, sawhthing thawn chhuah dan tur ruahmanna an lo sawipui a, Mizoram sawhthing phurh chhuah nan millennium parcel van buatsaih sak theih ngei an tum thu a hrilh.
Heng bakah hian Delhi, Kolkata, Gauwahati atanga bungrua phurh man tun aia awlsam leh man tlawm zawka mipui ten an chhawr tangkai theih dan tur an sawi dun.
