Mar 21, 2026
Saturday
Vawiin (March 21, 2026) hian Electric Veng Branch YMA Literature & Education Sub-Committee hmalaknain Sakawrpuluiah zirlaibu hlui la hman tlâk chu a thlawna sem chhuah a ni. Veng chhung leh veng pawn aṭangin mi eng emaw zatin heng zirlaibu te hi an la.
Heng xirlaibu hman hnu la ṭha tak tak te hi zirlai ten kar kalta chhung khân Electric Branch YMA hnuaia section hruaitute hnenah an pe khawm a, chung zirlaibute chu a thlawnin a mamawh tute hnenah YMA chuan a sem chhuak leh ta a ni. Kum 2024 leh 2025 khân hetiang hun hi hlawhtling takin hman a lo ni tawh a, kumin hi a kum thumna a ni.
Midang tana malsawmna nih hi zirna in a tum pawimawh tak pakhat a ni a, a mamawh tute hnen a thleng hi Electric Veng Branch YMA chu a lawm tak zet a ni. Zirlaibu thawhtute zawng zawng chungah Electric Veng Branch YMA chuan lawmthu a sawi.
